خريطة رسائل المتابعة: من تسجيل الطلب لحد الطلب التاني
المتابعة اللي بتعتمد على ذاكرتك هتقف أول ما الطلبات تكتر. اعملها خريطة.
الرسايل المتفرقة بتتنسي. الخريطة دي بتخلي كل عميل ياخد نفس التجربة، سواء عندك 5 طلبات أو 50.
المحطات
1. بعد تسجيل الطلب
«تمام يا فندم، طلبك اتسجل. فريق التأكيد هيكلمك من رقم غريب خلال يوم، رد عليه عشان الطلب يتشحن.»
2. بعد التأكيد
«طلبك اتأكد، وده رابط تتابعه منه.» (رابط التتبّع)
3. لو الشحنة اتأخرت أو العميل سأل
«طلبك في الطريق، وتقدر تشوف آخر حالة من الرابط.»
4. بعد الاستلام بيوم أو اتنين
«أتمنى المنتج عجبك. لو فيه أي حاجة كلمني. ولو عندك دقيقة قيّمنا من الرابط.»
5. وقت الطلب التاني
حسب الفئة، زي ما في عرض الطلب التاني، وللي وافق بس.
ليه المحطة الأولى أهم واحدة
أكبر سبب لأرشفة الطلبات إن العميل ما ردش على مكالمة التأكيد. رسالة واحدة تقوله يستنى المكالمة بتفرق جدًا. شوف تأكيد الطلبات.
الأساس
القوالب الأساسية في رسائل ما بعد البيع. هنا بنحولها نظام بيتكرر لكل طلب، والدرس الجاي يوريك إزاي تنظمه على واتساب بيزنس.
سجّل دخولك وكل درس تخلّصه يتحسب: إفادة باسمك لكل وحدة، وشهادة بكود تحقق لما تخلّص الكورس.
سجّل مجانًاجاهز تطبّق؟ ابدأ مع تحسين مجانًا
من غير رأس مال ولا مخزن: تختار المنتج وتحدد سعر بيعك، واحنا بنأكد مع العميل ونشحن ونحصّل، وأرباحك بتوصل محفظتك.