الطلبات المؤرشفة: فلوس واقفة ترجعها برسالة وضغطة
الطلب المؤرشف مش طلب ضايع. ده عميل كان عايز وما ردش في الوقت ده.
فريق التأكيد بيكلم العميل كذا مرة، ولو ما ردش الطلب بيتأرشف. ده بيحصل كتير: العميل كان في الشغل، أو الرقم الغريب ما ردش عليه، أو نسي.
اعمل إيه
- افتح الطلبات المؤرشفة من طلباتي.
- ابعت للعميل على واتساب:
«أهلًا يا فندم، حاولنا نكلمك نأكد طلب (المنتج) وما عرفناش نوصلك. لسه حابب تستلمه؟ لو آه هيكلمك فريق التأكيد تاني، رد عليه.»
- لو قال آه، فعّل الطلب تاني من صفحة الطلب، وهيرجع جديد بانتظار مكالمة التأكيد.
التفاصيل في درس الطلبات المؤرشفة.
ليه ده مهم في البراند
الطلب ده دفعت فيه إعلان خلاص. رجوعه معناه إن تكلفة الطلب المستلم بتقل من غير صرف زيادة. وكمان العميل بيحس إن فيه حد بيهتم بطلبه.
متزنقش
لو ما ردش على الرسالة كمان، سيبه. رسالة واحدة بعد يوم كفاية. وسجّل في الشيت إنه ما ردش، عشان متضيفوش على قايمة العروض.
راقب السبب
لو طلبات كتير من منتج معين بتتأرشف، يمكن الإعلان بيجيب ناس مش جادين، أو مش بتقولهم إن فيه مكالمة جاية. صلّح ده في المحطة الأولى من الخريطة.
سجّل دخولك وكل درس تخلّصه يتحسب: إفادة باسمك لكل وحدة، وشهادة بكود تحقق لما تخلّص الكورس.
سجّل مجانًاجاهز تطبّق؟ ابدأ مع تحسين مجانًا
من غير رأس مال ولا مخزن: تختار المنتج وتحدد سعر بيعك، واحنا بنأكد مع العميل ونشحن ونحصّل، وأرباحك بتوصل محفظتك.