تقسيم شغل المتابعة مع مساعد: مين يعمل إيه من غير ما تضيع العملاء

لما الطلبات تكتر، أول حاجة بتقع هي المتابعة. المساعد ممكن يشيلها، بس لو النظام مكتوب. إمتى تجيب حد ومنين في درس توظيف مودريتور.

اللي المساعد يعمله

• يرد على «سؤال جديد» بالردود الجاهزة.
• يسجّل الطلبات ببيانات كاملة.
• يبعت رسايل المحطات من الخريطة.
• يحدّث التسميات والشيت.

اللي يفضل عندك

• الأسعار والعروض والكوبونات.
• التذاكر المعقدة والعميل الغاضب.
• القرارات في الإعلانات.
• حسابك على تحسين والمحفظة. متديش حد باسورد حسابك.

التسليم

اكتب ورقة واحدة فيها:

1. خريطة الرسائل.
2. التسميات ومعنى كل واحدة.
3. الردود السريعة.
4. الأسئلة اللي يحولها ليك على طول: سؤال طبي، طلب استرجاع، عميل زعلان.
5. الممنوع: أي وعد مش مكتوب في صفحة المنتج.

راجع شغله

كل يوم في الأول، اقرا 5 محادثات عشوائية. بعد أسبوعين، مرة في الأسبوع. ولو لقيت حاجة اتقالت غلط، صلّح الورقة مش بس المحادثة.