العملاء اللي مبيرجعوش: تعرف ليه من أرقامك

أسئلة تسألها

المنتج نفسه بيتكرر؟ حاجة الواحد بيشتريها مرة في عمره، زي جهاز معين، طبيعي ميتكررش. الحل إنك تبيعله حاجة تانية، مش نفس الحاجة.

التقييمات بتقول إيه؟ افتح تقييمات عملائي وفلتر على نجمتين أو أقل. فيه منتج بعينه؟ فيه محافظة بعينها؟

العميل افتكرك؟ لو الطلب جه من إعلان وانت ما كلمتوش بعد الاستلام، هو ميعرفش اسمك أصلًا.

التجربة كانت كويسة؟ تأخير، أو مكالمة تأكيد ما ردش عليها فاتأرشف، أو مقاس غلط اتصلح بعد تعب.

صلّح اللي في إيدك

• اسم واحد: الكتالوج والواتساب والصفحة باسم متجرك، شوف اسم كتالوجك ورابطه.
• رسالة شكر: بعد الاستلام، كل مرة.
• وصف أمين: لو التقييمات الواطية على المنتج نفسه، صلّح الوصف أو بطّل تبيعه.
• حل المشاكل: افتح تذكرة بسرعة، شوف حل مشاكل الطلبات.

رقم تتابعه

كل شهر: من العملاء اللي استلموا من شهرين، كام واحد طلب تاني؟ حتى لو بتعده بإيدك من الشيت. الرقم ده بيقولك البراند بيتبني ولا لأ.