رابط التتبّع والتقييم: العميل يعرف طلبه فين ويقولك رأيه
أكتر رسالة بتجيلك «الطلب فين؟». رابط واحد بيجاوب عليها ويقلل الرفض.
في تفاصيل كل طلب على تحسين فيه رابط تتبّع للعميل. صفحة من غير اسم دخول، العميل بيفتحها ويشوف طلبه في أنهي مرحلة.
إمتى تبعته
- بعد التأكيد: «طلبك اتأكد، تقدر تتابعه من هنا».
- لو سأل «الطلب فين؟»: ابعت الرابط بدل ما تشرح.
العميل اللي عارف طلبه جاي إمتى، أقل احتمال يرفض لأنه نسي أو اشترى من حتة تانية. الدرس ده بيكمّل متابعة الشحنة مع العميل.
التقييم
بعد التسليم، العميل يقدر يقيّم الطلب من نفس الرابط مرة واحدة. التقييمات بتوصلك في تقييمات عملائي.
اطلبها بلطف:
«أتمنى المنتج يكون عجبك. لو عندك دقيقة، قيّمنا من نفس الرابط، ده بيفرق معانا جدًا.»
اقرا التقييمات
- عالي: عميل ممكن يرجع. سجّله في الشيت.
- واطي: كلمه واسأله إيه اللي حصل. ساعات المشكلة حاجة تتحل بتذكرة، وساعات بتعرف منها إن وصف المنتج محتاج يتظبط.
لو منتج بيجيب تقييمات واطية كتير، ده أهم من أي رقم إعلانات. يمكن مش لازم تبيعه.
سجّل دخولك وكل درس تخلّصه يتحسب: إفادة باسمك لكل وحدة، وشهادة بكود تحقق لما تخلّص الكورس.
سجّل مجانًاجاهز تطبّق؟ ابدأ مع تحسين مجانًا
من غير رأس مال ولا مخزن: تختار المنتج وتحدد سعر بيعك، واحنا بنأكد مع العميل ونشحن ونحصّل، وأرباحك بتوصل محفظتك.