الثقة: تقييمات عملائك وكارت «أنا بشتغل مع تحسين»
العميل مش بيثق في كلامك عن نفسك. بيثق في كلام عميل زيه.
تقييمات عملائي
بعد ما الطلب يتسلم، العميل يقدر يقيّم من رابط التتبّع اللي بتبعتهوله. التقييمات دي بتظهرلك في تقييمات عملائي: النجوم، وتقدر تفلتر على التقييمات الواطية عشان تعرف فين المشكلة.
استخدمها إزاي
- اسمع منها الأول: نجمتين أو أقل على منتج معين؟ يمكن الوصف مش مظبوط أو المقاس بيتقال غلط.
- اعرضها بأمانة: لو عميل كتب رأي حلو وبعتلك صورة، اطلب إذنه قبل ما تنشرها، وشيل اسمه ورقمه. الأساس في تقييمات العملاء.
- متكتبش تقييمات بنفسك، ولا تعمل حسابات تكتب رأي. ده كدب، ولو اتكشف بيهد كل حاجة.
كارت «أنا بشتغل مع تحسين»
في حسابك صفحة أنا بشتغل مع تحسين: كارت جاهز تنشره، وفيه رابط الدعوة بتاعك. مفيد لما حد يسألك «انت شغال إزاي؟ الطلب بييجي منين؟». الإجابة الصريحة إن فيه منصة بتشحن وبتأكد، وده بيطمن ناس كتير.
الثقة في التفاصيل
- رد سريع ومحترم، حتى على «بكام» من غير سلام.
- ابعت رابط التتبع بعد الشحن.
- قول الحقيقة عن المقاس والخامة والسياسة.
- لو فيه مشكلة، افتح تذكرة وتابع مع العميل.
دي حاجات صغيرة، بس هي اللي بتخلي العميل يقول لصاحبه «اشتري من فلان». شوف التسويق الشفهي.
سجّل دخولك وكل درس تخلّصه يتحسب: إفادة باسمك لكل وحدة، وشهادة بكود تحقق لما تخلّص الكورس.
سجّل مجانًاجاهز تطبّق؟ ابدأ مع تحسين مجانًا
من غير رأس مال ولا مخزن: تختار المنتج وتحدد سعر بيعك، واحنا بنأكد مع العميل ونشحن ونحصّل، وأرباحك بتوصل محفظتك.