دروب شيبينج ولا توريد: الفرق في المخاطرة والربح

في تحسين فيه وضعين: الدروب شيبينج، وده الأساس، و وضع التوريد. بتبدّل بينهم من الموقع.

الدروب شيبينج

• مش بتشتري حاجة مقدم.
• العميل بيطلب، وتحسين بيأكد ويشحن.
• ربحك الفرق بين سعرك وسعر المنتج، بعد العمولة.
• المخاطرة الأساسية: فلوس الإعلان والمرتجع.

وضع التوريد

• بتشتري كمية بسعر الوحدة حسب شرائح الكمية. الكمية الأكبر غالبًا سعر وحدة أقل.
• الكمية بتبقى بتاعتك، وانت اللي بتبيعها بطريقتك.
• المخاطرة: لو البضاعة ما اتباعتش، فلوسك فيها.

مين يناسبه إيه

الدروب شيبينج لو:

• لسه بتجرب منتجات.
• فلوسك محدودة.
• بتبيع أونلاين بالدفع عند الاستلام.

التوريد لو:

• عندك منتج بيتباع منك بثبات من فترة.
• عندك قناة بيع إضافية: محل، أو معارف، أو بيع مباشر.
• عندك فلوس تقدر تحطها في بضاعة من غير ما تأثر على الإعلانات ولا البيت.
• عندك مكان تخزين مناسب.

مش اختيار واحد

ممكن تكمّل دروب شيبينج في معظم منتجاتك، وتورّد منتج واحد بس بيتباع كويس. ده هنفصّله في الدروس الجاية.