علامات جاهزيتك للتوريد: قبل ما تحط فلوسك في بضاعة

علامات إنك جاهز

1. بيع ثابت: المنتج بيتباع منك كل أسبوع من أسابيع، مش أسبوع واحد حلو. وتشوف ده في أدائي.

2. تسليم كويس: نسبة تسليم المنتج عالية، يعني الناس بتستلمه فعلًا.

3. قناة بيع تانية: محل، أو زباين بتشتري منك مباشرة، أو جروب منطقة. التوريد منطقي أكتر لما مش كل بيعك أونلاين بإعلان.

4. فلوس فايضة: المبلغ مش من فلوس الإعلانات ولا من الاحتياطي ولا من مصروف البيت.

5. مكان: مكان نضيف وناشف للتخزين، خصوصًا للإلكترونيات والعناية الشخصية.

علامات استنى

• المنتج جديد عليك أو موسمي وفات موسمه.
• بتبيعه بس بإعلان، والإعلان لسه بيتغير.
• محتاج الفلوس دي خلال شهر.
• المنتج بيتغير موديله بسرعة، زي بعض الإكسسوارات.
• مرتجعه عالي.

ابدأ صغير

لو جاهز، ابدأ بأصغر شريحة معقولة لمنتج واحد. شوف بتبيعه في قد إيه. بعدها كبّر. ومتحجزش كميات كبيرة عشان سعر الوحدة أرخص، لو الكمية مش هتتباع.