تأخر البيانات: متحكمش على صرف امبارح بتسليم النهارده
الإعلان بيتصرف النهارده. التسليم بيبان بعد أيام. لو قارنتهم في نفس اليوم هتغلط.
الطلب اللي اتسجل النهارده بياخد وقت لحد ما يتأكد، ووقت تاني لحد ما يتسلم، حسب المحافظة. في القاهرة ممكن يومين شغل بعد التأكيد، وفي المحافظات البعيدة أكتر. المواعيد في مصاريف الشحن والتوصيل.
المشكلة
لو بصيت النهارده على صرف آخر 3 أيام وعدد المستلم في آخر 3 أيام، هتلاقي الصرف كبير والمستلم قليل، لأن طلبات آخر 3 أيام لسه في السكة. هتفتكر الحملة خسرانة وتقفلها، وهي ممكن تكون كسبانة.
الحل: دفعات
قسّم شغلك أسابيع. كل أسبوع دفعة: صرفه وطلباته. متحكمش على الدفعة غير لما معظم طلباتها تخلص تسليم، يعني بعد أسبوع تقريبًا من آخر يوم فيها.
تقرر إزاي وانت مستني
- المؤشر البدري: نسبة التأكيد بتبان بعد يوم أو اتنين. لو كويسة، غالبًا التسليم هيبقى قريب من العادي بتاعك.
- مقارنة بالسابق: لو المنتج ده تسليمه في أدائي ثابت من أسابيع، تقدر تقدّر بيه.
- القرار الصغير: كمّل أو قلل شوية، بس متعملش سكيل كبير على دفعة لسه متقفلتش.
الفلوس كمان متأخرة
الربح بيروح فترة الضمان 10 أيام بعد التسليم، وبعدها يبقى جاهز للسحب. يعني من الصرف للفلوس في إيدك ممكن أسبوعين أو أكتر. ده لازم يبقى في حساب ميزانيتك، وهنرجعله في درس فلوس السكيل والمحفظة.
سجّل دخولك وكل درس تخلّصه يتحسب: إفادة باسمك لكل وحدة، وشهادة بكود تحقق لما تخلّص الكورس.
سجّل مجانًاجاهز تطبّق؟ ابدأ مع تحسين مجانًا
من غير رأس مال ولا مخزن: تختار المنتج وتحدد سعر بيعك، واحنا بنأكد مع العميل ونشحن ونحصّل، وأرباحك بتوصل محفظتك.