صور المنتج والمحتوى الجاهز: إيه اللي ينفع يتنشر وإيه لأ
الصورة وعد بصري. لو المنتج اللي وصل شكله غير الصورة، العميل هيرجعه مهما كان كويس.
العميل بيشتري بعينه قبل ما يقرا. والصورة اللي بتجمّل المنتج زيادة عن اللزوم بتعمل نفس اللي بيعمله الوصف المبالغ فيه: طلب النهارده ومرتجع بكرة.
ابدأ بالمحتوى الجاهز
على صفحة كل منتج في تحسين فيه «المحتوى الجاهز للإعلان»: صور وفيديوهات للمنتج نفسه ونصوص إعلان. دي أسرع بداية، وأأمن واحدة، لأنها للمنتج اللي هيوصل فعلًا. شاركها من الموبايل على طول، أو نزّلها كلها ZIP.
صورك انت بتفرق
لو عندك المنتج أو اشتريته بـ«وضع التوريد»، صوره بموبايلك في إضاءة شباك. صورة حقيقية في إيد حد أو على ترابيزة بيت بتقنع أكتر من صورة استوديو، لأنها شبه اللي العميل هيشوفه.
أفكار سريعة لكل فئة:
- إلكترونيات: المنتج جنب حاجة معروفة الحجم، زي موبايل أو إيد، وشاشة شغالة.
- هدوم: القطعة على حد أو مفرودة، ومعاها صورة قريبة للقماش.
- البيت والمطبخ: المنتج وهو بيتستخدم، حلة على بوتاجاز، منظّم جوه دولاب.
- عناية شخصية: العبوة وقوام المنتج على الإيد، من غير قبل وبعد.
صور تتجنبها
- صور من مواقع ماركات تانية أو لموديل مختلف.
- فلتر بيغير اللون: العميل اللي طلب «بيج» واستلم «رمادي» هيرفض.
- قبل وبعد في التجميل والتخسيس والمنتجات الصحية: ممنوعة في الإعلانات، ودرسها في الكلام الممنوع في الإعلانات.
- صور مقرفة أو مخيفة عشان «تلفت النظر».
المقاس في الصورة
أكتر سؤال بعد السعر: «حجمه قد إيه؟». صورة واحدة بالمقاس، المنتج جنب مازورة أو جنب إيد، بتوفر عليك رسايل كتير وبتمنع مرتجع «كنت فاكره أكبر».
سجّل دخولك وكل درس تخلّصه يتحسب: إفادة باسمك لكل وحدة، وشهادة بكود تحقق لما تخلّص الكورس.
سجّل مجانًاجاهز تطبّق؟ ابدأ مع تحسين مجانًا
من غير رأس مال ولا مخزن: تختار المنتج وتحدد سعر بيعك، واحنا بنأكد مع العميل ونشحن ونحصّل، وأرباحك بتوصل محفظتك.